तेश्रो सातामा श्वेताको ‘कान्छी’, कमायो कति ?
अन्ततः श्वेता खड्काको ‘कान्छी’ले तेश्रो साताको प्रदर्शन यात्रा तय गरेको छ । गत फागुन ११ गतेदेखि प्रदर्शन आएको ‘कान्छी’ १८ गतेको शुक्रबारदेखि पनि दर्जन बढी हलहरुमा लागिरहेको छ । तेश्रो सातामा पनि श्वेताको फिल्मले मल्टिप्लेक्समा शोज पाइरहेको छ ।
‘सम्पूर्ण दर्शकलाई धन्यवाद’, ‘कोहिनूर’ पछि कमब्याक भएकी श्वेताले भनिन्, ‘म र मेरो टिमलाई गर्नु भएको विश्वास प्रति हामी सबै कृतज्ञ छौं ।’ रिलिज अगाडी नै लगानी सुरक्षित गरेकी श्वेताले सार्वजनिक प्रदर्शनको व्यापारिक हिसाब किताब भने सार्वजनिक गरेकी छैनन् । ‘मलाई पैसा भन्दा पनि दर्शकको माया चाहिएको थियो, जुन मैंले पाए । पैसा कति कमाएँ हिसाब नै गरेको छैन्’, श्वेता भन्छिन् । हल रिपोर्ट हेर्नुस् :
आकाश अधिकारीको निर्देशन रहेको ‘कान्छी’ मा श्वेतासँगै अभिनेता दयाहाङ राई, निर शाह, अनु शाह, कामेश्वर चौरसिया, आशान्त शर्मा, विनौद न्यौपाने, भूमिका श्रेष्ठ, दीलिप पन्त लगायत कलाकारहरुको अभिनय रहेको छ ।
