करिश्माको ‘हिरोज्’ प्रोमो लञ्च : प्रेसमिटमा रोइन् पूर्णिमा
अभिनेत्री करिश्मा मानन्धर अभिनित फिल्म ‘हिरोज्’ चैत २३ गतेदेखि प्रदर्शनमा आउने भएको छ । एनवी महर्जन निर्देशित फिल्मको आइतबार प्रोमो लञ्च गरिएको हो । प्रेसमिटमा प्रोमो सहित फिल्मको चार गीत देखाइयो । प्रोमो हेर्नुस् :
प्रेसमिटमा निर्देशक महर्जन भने उपस्थित भएनन् । यसैले नायिका तथा निर्मात्री पूर्णिमा लामा प्रेसमिटमै रोइन् । फिल्म निर्माणमा आफुलाई सहयोग गर्ने एक एक व्यक्तिको नाम लिदैं पूर्णिमा प्रेसमिटमा रोएकी हुन् । ‘एउटा फिल्म बनाउँदै धेरै फिल्म बनाएको जस्तो अनुभव गर्न पाएँ, रुदै पूर्णिमाले भनिन्, ज जसो तसो गरी फिल्म बनाएको छु । जस्तो छ हेरिदिनु होला ।’
यता लामो समयपछि फिल्ममा अभिनय गरेकी अभिनेत्री करिश्मा मानन्धरले हिरोजको स्क्रिप्ट फरक रहेको दाबी गरिन् । युवा बेरोजगारको विषयमा बनेको फिल्म करिश्माको भनाई थियो ।
महालक्ष्मी फिल्मसको प्रस्तुती रहेको हिरोज मा करिश्मा र पूर्णिमासँगै दिनेश डिसी, जय किसन बस्नेत, मुकेश ढकाल लगायतको अभिनय रहेको छ । फिल्मलाई शिव ढकाल र रामशरण उप्रेतीले खिचेका हुन् ।
