ट्रम्पको नक्कल गर्दा मनोज गजुरेल विश्वका १८ मा
बधाई ! नेपालका चर्चित हाँस्य व्यांग्य कलाकार मनोज गजुरेल विश्वका उत्कृष्ट १८ कमेडियनको सुचीमा पर्न सफल भएका छन् । अमेरिकी अनलाइन सिबिएस न्युज डटकमले यो सुची सार्वजनिक गरेको हो ।
अमेरिकी राष्ट्रपती डोनाल्ड ट्रम्पको नक्कल गर्नेहरुलाई मात्र १८ जनाको सुचीमा समावेश गरिएको छ । सुचीमा मनोज गजुरेल विभिन्न देशका कमेडियन कलाकारहरु एलेक बाल्डविन, एन्थोनी एटामानुइक, रोबर्ट एन्सलर, मार्सेल फोरेष्टेरी, एलिसन ज्याक्सन, डस्टिन गोल्ड, डेनिस एलन, माइक ओसम्यान, डेरिओ बालान्टिनी, जोन डी डोमेनिको, एरिक ज्याकम्यान, टोड वेरटालिक, डान कनेली, रोनाल्ड ग्रम्प, आरजे मोरिस, राफेल आल्मोडोभार लगायत छन् ।
माओवादी अध्यक्ष पुष्पकमल दाहाल प्रचण्ड, पूर्व राजा ज्ञानेन्द्र शाह, एमाले अध्यक्ष केपी ओलीको नक्कल गरेर नेपाली दर्शक माझ लोकप्रिय बनेको गजुरेल ट्रम्पको नक्कल गरेसँगै अन्र्तराष्ट्रिय जगतमा पनि चिनिएका छन् । पछिल्लो समय पत्नी मिना ढकालसँगको सम्बन्ध बिच्छेदका कारण पनि गजुरेल चर्चामा रहे ।
