१६ वर्ष भन्दा मुनिकालाई ‘गाँजा बाजा’ हेर्न रोक
नाममै विवाद आएको फिल्म ‘गाँजा बाजा’ सेन्सर पास भएको छ । तर सेन्सर सदस्यले यो फिल्म एडल्ट प्रमाण पत्र दिएका छन् । गाँजा खाने दुई युवाको यात्रालाई मुख्य विषय बनाइएको ‘गाँजा बाजा’ लाई १६ वर्षभन्दा मुनिका दर्शकले हेर्न पाउने छैनन् ।
फिल्ममा समावेश संवाद तथा दृश्यलाई आधार मान्दै सेन्सर वोर्डले ‘गाँजा बाजा’ लाई एडल्ट प्रमाण पत्र उपलब्ध गराएको हो । उसो त फिल्मको नाम पाउनै निर्देशक गणेशदेव पाण्डेले विकास वोर्डसँग झण्डै दुई वर्ष विवादमा अल्झिनु परेको थियो । वोर्ड र निर्देशक बिचको विवाद सर्वोच्च सम्म नै पुग्यो । निर्देशक पाण्डेसँग गरिएको रमाईलो कुराकानी हेर्नुस् :
निर्देशक पाण्डेकै लेखन रहेको ‘गाँजा बाजा’ मा अनुपम शर्मा, सुशिल सिटौला, बर्षा सिवाकोटी, रविन थापा लगायतको अभिनय रहेको छ । प्रोमोमै मुख छाडिएको फिल्म यही शुक्रबार अर्थात् फागुन २५ गतेदेखि प्रदर्शनमा आउँदैछ । फिल्मलाई दिपेन्द्र रेग्मी र गोमा विष्टले संयुक्त रुपमा निर्माण गरेका हुन् ।
