भाइको साथीसँग ‘फिगर कोकाकोला’ गर्लको बिहे
नायिका अशिष्मा नकर्मी विवाह बन्धनमा बाँधिने भएकी छन् । यही सालको फाल्गुन २८ गते नविन प्रधानसँग अशिष्माले विवाह गर्न लागेकी हुन् । बुझिए अनुसार अशिष्मा र नविनबिच मागी विवाह हुन लागेको हो ।
अशिष्माका हुनेवाला श्रीमान चार्टर्ड अकाउन्टेन्ट हुन । काठमाण्डौ मध्य बानेश्वरका स्थानीय नविन अमेरिकामा बस्दै आइरहेका छन् । अमेरिकामै बस्ने धर्म भाईसँग साथी रहेका नविनसँगको छोटो चिनजानमा विवाह हुन लागेको अशिष्माको भनाई छ ।
‘फिगर कोकाकोला’ गर्लको रुपमा चिनिने अशिष्माले फिल्म ‘अन्तराल’बाट डेव्यु गरेकी हुन् । आफै निर्माता भएर अशिष्माले नेवारी फिल्म ‘लाखे भाजु’ को निर्माण समेत गरेकी छन् ।
