शिल्पा र पुष्पको ‘पर्ख पर्ख मायालु’ लाई १ करोड
फिल्म ‘मंगलम’ को ‘पर्ख पर्ख मायालु’ गीतको भिडियो पनि एक करोड क्लबमा समावेश भएको छ । रिलिजको दुई दिन अगाडी दिपक शर्माद्वारा संगीतवद्ध गीतको भिडियोले १ करोड भ्युज पाएको हो । संगीतकार शर्माकै शब्द रहेको गीतमा कृष्ण काफ्ले र बिन्दु परियारको स्वर छ । भिडियो हेर्नुस् :
नायिका शिल्पा पोखरेल र नायक पुष्प खड्काको नृत्य रहेको भिडियोलाई कविराज गहतराजले नृत्य निर्देशन गरेका हुन् । छायाँकन विष्णु कल्पित घिमिरेको छ । नवल नेपाल निर्देशित मंगलम पारिवारिक प्रेम कथामा आधारित छ । फिल्ममा शिल्पा र पुष्पसँगै अर्का नायक पृश्वीराज प्रसाईं, वरिष्ठ अभिनेता नीर शाह, अभिनेत्री मिथिला शर्मा र युवा स्टार साम्राज्ञीराज्य लक्ष्मी शाहको अतिथि भूमिका छ । शिल्पा, पुष्प र पृश्वीसँग गरिएको रमाईलो कुराकानी हेर्नुस् :
यही शुक्रबार अर्थात् फागुन २५ गतेदेखि प्रदर्शनमा आउने फिल्मको प्रचार प्रसार तिव्र रुपमा गरिएको छ । पर्ख पर्ख मायालु हिट हुँदा फिल्मको प्रोमोलाई पनि रुचाइएको छ ।
