रियल हिरोइनसँग दिपकको ३० औं ‘एनिभर्सरी’
निर्माता तथा कलाकार दिपकराज गिरी बिवाहको ३० औं वर्षमा प्रवेश गरेका छन् । १८ वर्षकी मेनुकासँग दिपकले मागी विवाह गरेका थिए । साथ, सहयोग, माया, स्नेह र जिम्मेवारीको लागि श्रीमतीलाई धन्यवाद दिदै दिपकले शुक्रबार स्टाटस फेसबुकमा पोस्ट गरेका छन् ।
दिपक र मेनुकाको तर्फबाट तीन सन्तान छन् । जसमध्ये एक छोरा र एक छोरीको विवाह भैसकेको छ । भर्खर मात्र छोरीको विवाह भएको हो । कान्छो छोरा पढ्दैछन् । पारिवारिक हिसाबले दिपक सुखी र खुसी छन् । पिता र श्रीमतीको जिम्मेवारीमा उनी कलाकारिता क्षेत्रमा सक्रिय भएर लागि रहेका छन् ।
सानो र ठुलो पर्दा दुबैमा दिपक सफल भैरहेका छन् । अभिनेत्री दिपाश्री निरौलासँग सहकार्य दिपकलाई फापिरहेको छ । चार फिल्मको सफलतापछि दिपक र दिपा ‘छक्का पञ्जा ३’ निर्माणको तयारीमाा छन् । दिपक र उनकी रियल हिरोइन मेनुकालाई ३० औं बैवाहिक लगन गाँठोको शुभकामना !
