’मिस्टर इन्टरनेसनल’ मा साजिदको पहिलो सहभागिता
’मिस्टर इन्टरनेसनल’ मा पहिलोपटक नेपालबाट बिराटनगरका साजिद अलामले प्रतिनिधित्व गर्ने भएका छन् । उनी मिस्टर इन्टरनेसनल २०१८ का शीर्ष विजेता हुन् भने म्यान हन्ट नेपाल २०१८ का सेकेन्ड रनर्स अप हुन् । मिस्टर इन्टरनेसनल नेपालको यो पहिलो सहभागिता हो ।
मिस्टर इन्टरनेसनल २०१८ प्रतियोगिताको १२ औं संस्करण हो । तर नेपालको लागि भने चाहिं यो प्रतिनिधित्वको पहिलो अवसर हो । ‘यस्ता अन्तराष्ट्रिय प्याजेन्टमा सहभागिता जनाउन पाउनु ठूलो अवसर हो । सँगै आफैले यसको फ्रेन्चाइज नेपालमा ल्याउनु चुनौती र गर्व एकसाथ महसुस हुने रहेछ’ साजिदले भने ।
यो प्रतियोगिता म्यानमारको नेसनल थिएटर अफ यागोनमा हुँदैछ । अप्रिल ३० को दिन हुने फिनालमा ३० प्रतिस्पर्धी हुनेछन् । विजेतालाई मिस्टर इन्टरनेसनल २०१७ पल इस्कन्दरले ताज पहिराउने छ ।
