‘भैरे’ को उत्कृष्ट गीत, विक्रान्त, बर्षा र बुद्धिको छम्छमी
फिल्म ‘भैरे’ को सान्नानीलाई बोलको गीत रिलिज भएको छ । ‘लडे मा त सान्नानी’ बोलको गीतको भिडियोको कोरियोग्राफी र सिनेम्याटोग्राफी उत्कृष्ट छ । कोरियोग्राफी कविराज गहतराज र सिनेम्याटोग्राफर पुरुषोत्तम प्रधाले प्रशंसनिय काम गरेका छन् । भिडियो हेर्नुस् :
बसन्त सापकोटाको शब्द तथा संगीत रहेको लोक लयको गीतमा संगीतकार सापकोटा, गायक याम बराल र गायिका मेलिना राईको स्वर छ । नायिका बर्षा सिवाकोटी, नायक विक्रान्त बस्नेत र कलाकार बुद्धि तामाङले कम्मर मर्काएका छन् । फिल्मका मुख्य अभिनेता दयाहाङ राई भने गीतको भिडियोमा छैनन् ।
सुर्य बोहोर एभ्रेष्टको लेखन तथा निर्देशन रहेको ‘भैरे’ को रिलिज मिति जेठ ११ गते लाई तोकिएको छ । फिल्ममा दया, बर्षा, बुद्धि र बिक्रान्तसँगै नायिका सुरक्षा पन्तको अभिनय रहेको छ । फिल्मलाई प्रेम प्रसाद पौडेल, देवीमाया अधिकारी, करुणाकर पुन, सविता गुरुङ र कुमार बस्नेतको निर्माण रहेको छ ।
