वास्तविक प्रेम जोडीको ‘बोबी’ टिजर रिलिज
वास्तविक प्रेम जोडीको कथामा बनेको फिल्म ‘बोबी’ को टिजर रिलिज भएको छ । मिलन चाम्स निर्मित एवं निर्देशित फिल्ममा रियल लभ कपल कविता गुरुङ र उमेश थापाले अभिनय गरेका छन् । डेढ मिनेट लामो टिजर बरिष्ठ अभिनेत्री गौरी मल्लको न्यारेशनबाट सुरु हुन्छ । टिजर हेर्नुस् :
कविता र उमेश बिचको प्रेम, संघर्ष र सफलताको कथा ‘बोबी’ मा हेर्न पाइने निर्देशक चाम्सले बताउँछन् । पेसाले उमेश इन्जीनियर हुन् भने कविता होटल म्यानेजर हुन् । बोबीमा यी दुईसँगै विजय लामा, रुबी राणा शाह, देशभक्त खनाल, रश्मि भट्ट, रवि गिरी, सुरवीर पण्डित, बादल भट्ट, पुर्णिमा लामा, शिशिर राणा लगायतका कलाकारको अभिनय छ ।
चाम्स इन्टरटेनमेन्ट र लण्डन आई इन्टरटेनमेन्टको व्यानरमा निर्माण भएको ‘बोबी’मा संचारकर्मी नरेश भट्टराईको स्क्रिप्ट, नवराज कृष्ण थापाको छायाँकन, अर्जुन जिसीको सम्पादन र ताराप्रकाश लिम्बुको संगीत रहेको छ । फिल्मको प्रदर्शन मिति भने तय भएका छैन ।
