‘शत्रुगते’ मोफसल प्रचारका ५ रमाईला तस्बिर
फिल्म ‘शत्रुगते’ टिम यतिबेला मोफसल प्रचारमा छ । अभिनेता तथा निर्माता हरिवंय आचार्य, किरण केसी, अभिनेत्री दिपाश्री निरौला, नायक पल शाह र नायिका आँचल शर्माको जोडीले दर्शकमाझ पुगेर फिल्म हेर्न आग्रह गर्दै रमाईलो प्रदान गरिरहेका छन् ।
‘शत्रुगते’ टिमले हेटौंडा, चितवन र पोखरा पुगेर दर्शकलाई मनोरञ्ज दिदैं फिल्म बारे प्रचार प्रसार गरिरहेको छ । हरिवंश र दिपाले शत्रुगते जोडेर कमेडी गरिरहेका छन् भने पल र आँचलले पिरतीको बर्कोमा कम्मर मर्काइरहेका छन् । यो टोली आइतबार २८ गते बिर्तामोड, २९ गते दमक, ३० गते ईटहरीमा पुग्नेछ । टिममा गायिका जुनु रिजाल पनि सामेल छिन् । उनले आफ्नो साँगीति प्रस्तुत दिइरहेकी छिन् ।
मह जोडीको प्रस्तुती रहेको ‘शत्रुगते’ को ‘रुपै मोहनी’ गीत हिट भैरहंदा प्रोमो रिलिज सँगै थप प्रतिक्षित बनेको छ । प्रदीप भट्टराई निर्देशित फिल्ममा मह जोडी, दिपकराज गिरी र दिपाश्री, प्रियंका कार्की, पल र आँचलको जोडीलाई मुख्य भुमिकामा देख्न सकिन्छ ।
