‘गाँजा बाजा’ मा सुशिल र अनुपमको प्रशंसा
गाँजा खाने दुई पात्रको कथामा बनेको फिल्म ‘गाजा बाजा’ लाई प्रेस शोमा रुचाईएको छ । शनिबार कुमारी हलमा सम्पन्न शोमा फिल्म हेरेका पत्रकारले प्रशंसा गर्दै हलबाट निक्लिए ।
प्रेसले फिल्मको प्रस्तुति र कलाकारको अभिनयलाई रुचाए । फिल्ममा गाँजा खाने युवाको भूमिकामा प्रस्तुत भएका सुशील सिटौला र अनुपम शर्माले अब्बल अभिनय गरेको शोमा उपस्थित सञ्चारकर्मीले प्रतिक्रिया दिए । गणेशदेव पाण्डे निर्देशित फिल्ममा सुशील र अनुपमसँगै नायिका वर्षा सिवाकोटी, रविन थापा, उद्दव भट्टराई, अम्बर सुवेदी, रक्षा श्रेष्ठ, जीवन भट्टराई, गोपाल अर्याल, कुविर सुब्बा लगायतका कलाकारको अभिनय छ ।
फिल्ममा निख एण्ड जटाको संगीत, याकोपो रास्लिकको छायाँकन र लोकेश बज्राचार्यको सम्पादन छ । बाबा सिनेमा निर्माण कम्पनिको सहयोगमा डीआर फिल्मस र टुका इन्टरटेनमेन्टको व्यानरमा निर्माण भएको फिल्मका निर्मातामा दिपेन्द्र रेग्मी र गोमा विष्ट थापा रहेका छन् ।
