‘हुर्रे’ को हलमा अवस्था के छ ?, निर्माताको दाबी यस्तो
गत शुक्रबारदेखि मल्टीस्टारर फिल्म ‘हुर्रे’ प्रदर्शनमा आएको छ । अनुपविक्रम शाही, केकी अधिकारी, राजाराम पौडेल र बिजय बरालको मुख्य भूमिका रहेको फिल्मको हाल हलमा अवस्था कस्तो छ त ?
निर्माता सोनाम लामाको दाबी अनुसार हुर्रे को हलमा शोज संख्या बढ्ने क्रममा छ । क्युएफएक्स र बिजी मल हलहरुमा फिल्मको शो संख्या बढिरहेको छ । शनिबार हुर्रेले देशैभर राम्रो व्यापार गरेको निर्माता लामाको दाबी छ । पशुपति क्षेत्रमा फुल बोच्ने एक युवतीको कथामा आधारित फिल्ममा केकी, अुनप, राजाराम, बिजय सहित अंकित खड्का, प्रकाश घिमिरे, संगीता नापित लगायतको अभिनय छ । हुर्रे लाई लेखक तथा निर्देशक यम थापाले गरेका हुन् ।
हुर्रेसँगै हलमा मंगलम र गाँजा बाजा प्रदर्शनरत छन् । तीन फिल्महरुमा मंगलमको व्यापार उच्च छ ।
