जापानमा ‘कृ’ को भव्य शो, अनमोल पुगेका थिए
जापानको टोकियो शहरमा अनमोल केसी स्टारर फिल्म ‘कृ’ को शो सम्पन्न भएको छ । टिमसँगै त्यहाँ पुगेका सञ्चारकर्मी सचित खड्काले बताए अनुसार कृ को शो जापानमा भव्य भयो ।
‘पन्ध्र सय क्षमता रहेको नकानो जिरो हलमा एक हजार दर्शक उपस्थित थिए’, सञ्चारकर्मी खड्काले भने, ‘यहा अहिले सम्मकै धेरै दर्शक कृ को शोमा आएको बुझ्नमा आएको छ ।’ अनमोलसँगै निर्माताद्वाय सुवास गिरी र भुवन केसी जापान शोमा सहभागी भए । शोलाई ईश्वर श्रेष्ठ र सुवास लामिछाने लिएका हुन् ।
नेपाल प्रदर्शन लगत्तै थुप्रै विदेशी शहरमा कृ को शो भैरहेको छ । अमेरिका, अष्ट्रेलिया, जापान, साउदी, हङकङ लगायतका देशहरुमा कृ को शो सम्पन्न भैसकेका छ ।
सुरेन्द्र पौडेल निर्देशित ‘कृ’ मा अनमोलको अपोजिटमा नव नायिका अदीति बुढाथोकी र भिलेनको रुपमा अनुपविक्रम शाही प्रस्तुत भएका छन् । तस्बिर : श्रवण भट्टराई
