‘मिस्टर भर्जिन’ ले तोक्यो प्रदर्शन मिति
फिल्म ‘मिस्टर भर्जिन’ को प्रदर्शन मिति तय गरेको छ । आँउदो सालको ०७५ को भदौ १ गतेलाई प्रदर्शन मिति तय गरिएको वल्र्ड वाइड फिल्म्स डिस्ट्रिव्यूसन प्रा.लीले जनाएको छ । दुई युवाको यौन मनोदशामा आधारित ‘मिस्टर भर्जिन’ लाई विशारद बस्नेतले निर्देशन गरेका हुन् ।
हाल पोस्ट प्रोडक्सनमा रहेको ‘मिस्टर भर्जिन’ मा गौरव पहारी, विजय बराल, कमलमणि नेपाल, मरिश्का पोख्रेल, भोलाराज सापकोटा, रविन्द्र झा, सिर्जना सुब्बा लगायतका कलाकारको अभिनय छ । फिल्ममा महेश दवाडीको कथा, रामेश्वर कार्कीको छायाङ्कन, विक्रम स्वाँर र दीपक याम सिंहको कोरियोग्राफी छ । सुरज पण्डित, श्रीकृष्ण बम मल्ल, बुलेट फ्लो, आधा सुर, आर जे, मिस्टर प्रिन्सको सङ्गीत र मिलन डी. काप्रीले सम्पादन रहेको छ । नायिका मरिस्का पोखरेलसँग गरिएको रमाईलो कुराकानी हेर्नुस् :
तीन युवाको यौन मनोविज्ञानको कथालाई लिएर निर्माण भएको ‘मिस्टर भर्जिन’ मा खिलेन्द्र तिमल्सिना, प्रजापति सिवाकोटी, मुकेश रेग्मी र बिशारद बस्नेतको लगानी रहेको छ भने सह निर्मातामा सन्दिप उप्रेती रहेका छन् । फिल्ममा समावेश ‘टुल्की’ बोलको गीत सार्वजनिक भइसकेको छ ।
