‘सोलि डोली गर्ने कुरा सत्य होइन’ : प्रदीप खड्का
‘लिलिबिली’ टिमसँग सोलि डोली नामक फिल्ममा सहकार्य गर्ने खबरलाई नायक प्रदीप खड्काले सत्य नभएको बताएका छन् । निर्देशक मिलन चाम्सले त ‘बिर विक्रम २’ बाहेक आफ्नो अन्य प्रोजेक्ट नरहेको स्टाटस फेसबुकमा पोस्ट गरेका छन् ।
तपाईं ‘सोलि डोली’ गर्दै हुनुहुन्छ हो ? भन्ने प्रश्नमा प्रदीप भन्छन्, ‘उहाँहरुले गरौं भन्ने कुरा गर्नु भएको हो । तर मैंले भैरवी र प्रेम गीत ३ बाहेक अरु प्रोजेक्ट फाइनल गरेका छैन ।’ उसो भए मिडियामा कसरी आयो त सोली डोली गर्ने खबर ? ‘खै कसरी आयो ? म आफैं अचम्ममा परेको छु । मैंले कुनै पनि नयाँ प्रोजेक्ट साइन गरेको छैन ।’
निर्देशक चाम्सले पनि नयाँ प्रोजेक्ट बारे आफैं नै जानकार नभएको दाबी गरेका छन् । उसो भए कहाँ बाट आयो त सोली डोली समाचार ? यो टिमको ‘लिलिबिली’ यही चैत ३० गतेदेखि प्रदर्शनमा आउँदैछ ।
