धुर्मुस-सुन्तलीलाई वर्ष व्यक्ति सम्मान
चर्चित हाँस्य व्यांग्य जोडी तथा सामाजिक अभियान्ता धुर्मुसु र सुन्तलीको जोडीलाई फिल्मी खबर वर्ष व्यक्तिको रुपमा सम्मान गरिएको छ । साप्ताहिक फिल्मी खबरको नवौं वार्षिक उत्सबको अवसर पारेर सिताराम कट्टेल र कुञ्जना घिमिरेलाई सम्मान गरिएको हो ।
‘परिवारको सम्मान पाउँदा निकै खुसी लागिरहेको छ’, सम्मान ग्रहणपछि आफ्नो मन्तव्य राख्ने क्रममा कुञ्जनाले भनिन् । ‘यो सम्मानले हामीलाई अगाडी बढ्ने थप उर्जा मिलेको छ’, सितारामले थपे, ‘हाम्रो सामाजिक अभियान सम्पूर्ण कलाकारकारिता क्षेत्रकै प्रतिनिधिको रुपमा लिएका छौं ।’
चार वटा एकिकृत नमुना बस्ती बनाइसकेका धुर्मुस सुन्तली नमुना नेपाल निर्माण अभियानमा जुटेका छन् । सामाजिक कार्यसँगै कलाकारितामा फर्कने सोच बनाइरहेको उनीहरु बताउँछन् ।
