सकियो ‘शत्रुगते’ टिमको मोफसल टुर
‘शत्रुगते’ टिमको ‘रुस्लान मह शत्रु गते यात्रा’ सकिएको छ । फागुन २३ गतेदेखि हेटौंडाबाट सुरु भएको टुर ३० गते इटहरी पुगेर सकिएको हो ।
‘शत्रु गते’ का निर्माता तथा कलाकार हरिवंश आचार्य, प्रस्तुतकर्ता किरण केसी, अभिनेत्री दीपाश्री निरौला, शिवहरि पौडेल, पल शाह र आँचल शर्माको टिमले २४ गते नारायणगढ, २५ गते बुटवल, २६ गते पोखरा, २८ गते बिर्तामोड, २९ गते दमकसम्म पुग्यो उनीहरुले ती शहरहरुमा कन्सर्ट तथा प्रेसमिट गरेका थिए । मोफसल यात्रा उपलब्धीपूर्ण रहेको टिमले बताएको छ ।
मह सञ्चारको ब्यनारमा बनेको शत्रुगते मा किरण केसी प्रस्तुतकर्ताको रुपमा रहेका छन् । निर्देशन प्रदीप भट्टराईले गरेका हुन् । कथा हरिवंश आचार्यको छ । फिल्म चैत्र ९ मा रिलिज हुँदैछ । मल्टीस्टार कास्ट, गीत तथा प्रोमोका कारण शत्रुगते चर्चामा छ ।
