‘मंगलम’ हेरेपछि पलले गरे पुष्पको प्रशंसा
युवा स्टार पल शाहले सहकर्मी नायक पुष्प खड्काको प्रशंसा गरेका छन् । पुष्प अभिनित फिल्म ‘मंगलम’ हेरेपछि पलले उनको प्रशंसा गरेका हुन् । आफ्नो फेसबुकमा पलले पुष्पप्रति प्रशंसाका शब्द खर्चिएका छन्।
‘मंगलम उत्कृष्ट चलचित्र बनेको रहेछ’, पलले फेसबुकमा लेखेका छन्, ‘पुष्पले धेरै राम्रो काम गरेको छ । बधाई सम्पूर्ण टिमलाई !’ सँगसँगै जसो मोडलिंग करिअर सुरु गरेका पल र पुष्प मिल्ने साथी हुन् । यी दुवै म्युजिक भिडियोका स्टार हुन् । मंगलममा गरेको उत्कृष्ट अभिनयसँथै पुष्प स्टारको लाइनमा उभिएका छन् । ‘मंगलम’ विशेष शोको भिडियो हेर्नुस् :
छविराज प्रोडक्सनमा नवल नेपाल निर्देशित फिल्म ‘मंगलम’ मा पुष्प, नायिका शिल्पा पोखरेल, अभिनेत्री मिथिला शर्मा, अभिनेता निर शाह र नायक पृथ्वीराज प्रसाईंको मुख्य भूमिका रहेको छ । यो शुक्रबारदेखि फिल्मले दोश्रो साताको प्रदर्शन यात्रा तय गरेको छ ।
