दोश्रो शनिबार पनि ‘मंगलम’ माथि, अरु फिल्म के भए ?
फिल्म ‘मंगलम’ ले दोश्रो शनिबार पनि दर्शक तान्न सफल भएको छ । राजधानीका गुण, गोपि र अष्टनारायण लगायत हलहरु हाउसफूल रहेको वितरक गोपालकाजी कायस्थले बताए ।
वितरक कायस्थले प्रदर्शनको दोश्रो शनिबार पनि नायिका शिल्पा पोखरेल र नायक पुष्प खड्कालाई हलहल लिएर हिंडेका थिए । शिल्पा र पुष्पसँगै सेल्फी खिच्दै दर्शकले फिल्म मन परेको प्रतिक्रिया दिए । छविराज प्रोडक्सनमा बनेको फिल्म मंगलम लाई नवल नेपालले निर्देशन गरेका हुन् । फिल्ममा शिल्पा र पुष्पसँगै मिथिला शर्मा, नीर शाह, पृथ्वी प्रसाईं लगायतको अभिनय रहेको छ । ‘मंगलम’ विशेष शोको भिडियो हेर्नुस् :
चैत २ गते पदर्शनमा आएका नयाँ फिल्महरुले भने दर्शकलाई हलमा आकर्षण गर्न असफल भए । ‘पञ्चायत’, ‘डेस्टिेनेशन काठमाण्डू’ र ‘गल्ली’मा शनिबार समेत हलमा हाउसफूल हुन सकेनन् । पञ्चायतको केही मल्छिप्लेक्समा दर्शक ठिकै रहे ।
