‘चङ्गा चेट’ गर्दै प्रियंका, आयुष्मान र परमिता
दिपेन्द्र के.खनालले निर्देशन गर्ने फिल्म ‘चङ्गा चेट’ मा प्रेम जोडी प्रियंका कार्की र आयुष्मानको जोडी पक्का भएको छ । प्रियंका सँगै आयुष्मानकी पुर्व प्रेमिका परमिता राज्यलक्ष्मी राणा पनि अनुबन्धित भएकी छन् ।
तर आयुष्मानको अपोजिटमा भने परमिता हुने छैनन् । आयुष्मानसँग प्रियंकाको जोडी नै कायम रहेनछ । रिलेसनसिपमा रहंदा आयुष्मान र परमिताले ‘चपली हाईट २’ बाट रजतपटमा डेव्यु गरेका थिए । फिल्म रिलिजको केही महिनापछि दुई अलग भए । यतिबेला प्रियंकासँग आयुष्मानको जोडी जमिरहेको छ ।
माधव वाग्लेले निर्माण गर्ने ‘चङ्गा चेट’ मा सबै जसो कलाकारहरु तय भएका छन् । नायिका ऋचा शर्मा, कलाकार रविन्द्र झा, सन्दिप क्षेत्री, सन्ध्या केसी लगायत कलाकारहरुको अभिनय रहनेछ ।
फिल्ममा निरज कँडेलको छायांकन, प्रदिप भारद्धाजको कथा, अर्जुन पोखरेल र राजनराज सिवाकोटी संगीत छ । छायाँकन जनकपुर, काठमाडौं र पोखरामा हुनेछ ।
