आँचलको अडान, ‘वेड सिन र किस सिन दिन्न’
नायिका आँचल शर्माले फिल्ममा वेड सिन र किस सिन नदिने अडान लिएकी छन् । यस्ता दृश्य भएका फिल्मको प्रस्ताव आए आफुले फिल्म नै नखेल्ने उनले बताइन् ।
आइतबार फिल्म ‘शत्रुगते’को प्रेशमिटमा आँचलले भनिन्, ‘मैंले अहिलेसम्म फिल्ममा वेडसिन र किससिन दिएको छैन र, दिंदा पनि दिन्न ।’ चैत ९ गतेदेखि प्रदर्शनमा आउने मल्टीस्टारर फिल्म ‘शत्रुगते’ मा पनि त्यस्ता सिनहरु नरहेको आँचलले प्रष्ट्याइन् । मह जोडीको ब्यानरमा किरण केसीको प्रस्तुती रहेको शत्रुगते मा काम गर्न पाउँनु आफ्नो लागि भाग्यको कुरा रहेको आँचलले बताइन् ।
प्रदीप भट्टराई निर्देशित ‘शत्रुगते’ मा आँचलको अपोजिटमा नायक पल शाह प्रस्तुत भएका छन् । पल र आँचलसँगै मह जोडी, दिपक र दिपा, प्रियंका काकी, बसुन्धरा भूषाल, शिवहरी पौडेल लगायत कलाकारहरुको अभिनय छ ।
