दोधारमा परिन मरिस्का, हेर्नुस् ‘लम्फू’को नयाँ भिडियो
फिल्म ‘लम्फू’ को दोश्रो गीत ’दोधारमा परेँ म’ को भिडियो रिलीज भएको छ । अर्जुन पोखरेलको संगीत तथा नरेश भट्टराईका शब्द रहेको यो गीतमा दुर्गा खरेलको स्वर छ । भिडियो :
आउँदो बैशाख २८ मा रिलीज हुने ‘लम्फू’ को यस गीतमा नायिका मरिश्का पोखरेल र नव नायक कबिर खड्का फिचरिंग छन् । भिडियोका कोरियोग्राफर शिव विक हुन् । गोपालचन्द्र लामिछानेको निर्देशन रहेको ‘लम्फू’ मा कबिर खड्का, मरिश्का पोखरेल, सलोन बस्नेत, चाँदनी शर्मा, सञ्जित भण्डारी, कुशाग्र भट्टराई, आयन खड्का, ओम गुरुङ्ग, अजित लामिछाने, सन्तोष कार्की, कुशल गुरुंग, काजोल, रश्मी भट्ट, जानुका पौडेल, पुष्प आचार्य, झलक कार्की, थमन सिंह पुर्जा लगायतको अभिनय रहेको छ । तरकारीवालीको नामले चर्चामा आएकी कुशुम श्रेष्ठको पनि ‘लम्फू’ मा अभिनय छ ।
पपुलर मल्टिमीडियाको लागि शक्तिबल्लभ घोरासैनीले निर्माण गरेका हुन् । लेखन भूपतिको रहेको छ । दिपक बज्राचार्यको छायांकन रहेको फिल्मका सम्पादक हरि सिलवाल हुन् ।
