साम्राज्ञीसँग ‘जुनी बिताउने’ कुरा गर्दै आकाश (भिडियो)
यही चैत २३ गतेदेखि प्रदर्शनमा आउने फिल्म ‘तिमी सँग’ को शिर्ष गीति भिडियो रिलिज गरिएको छ । साम्राज्ञी राज्य लक्ष्मी शाह र आकाश श्रेष्ठ फिचरिंग भिडियोमा शिशिर खातीको कोरियोग्राफी छ । भिडियो हेर्नुस् :
राहुल मुखर्जीको संगीत रहेको फिल्मको शिर्ष गीतमा उनी र मधुरा भट्टाचार्यको स्वर छ । शब्द लेखु सहयात्रीले लेखेका छन् । शिशिर राणाको लेखन, निर्माण र निर्देशन रहेको तिमी सँग मा साम्राज्ञी र आकाशसँगै अर्का नायक नाजिर हुसेन पनि मुख्य भूमिकामा प्रस्तुत भएका छन् । ‘तिमी सँग’ को तीन गीत, टिजर र ट्रेलर रिलिज भैसकेको छ । टिम यतिबेला प्रचार प्रसारमा जुटिरहेको छ ।
