मल्टीस्टारर ‘शत्रुगते’ को अग्रिम बुकिङ आक्रमक
मल्टीस्टारर फिल्म ‘शत्रुगते’ ले प्रदर्शनको पहिलो दिन शुक्रबार (चैत ९ गते) हलमा दर्शक तान्ने पक्का भएको छ । मल्टिप्लेक्समा खुलेका अग्रिम बुकिङको अवस्था हेरेर फिल्मको ओपनिङ आक्रमक हुने आँकलन गरिएको हो ।
क्युएफएक्स अन्र्तगतका दुई शो सोल्ड आउट हुँदा १९ वटा शो फास्ट फिलिङमा छन् । मह सञ्चारको ब्यानरमा किरण केसीको प्रस्तुती रहेको फिल्मलाई क्युएफएक्सले २८ वटा शोज उपलब्ध गराएको छ । ‘जात्रा’ निर्देशक प्रदीप भट्टराई निर्देशित ‘शत्रुगते’ ले मल्टिप्लेक्समा पाएको यो सर्वाधिक शोज संख्या हो । फिल्म देशभरका एक सय बढी हलहरुमा लाग्नेछ । पल र आँचलसँग गरिएको रमाईलो कुराकानी हेर्नुस् :
फिल्ममा मह जोडी सहित दिपकराज गिरी, दिपाश्री निरौला, प्रियंका कार्की, पल शाह, आँचल शर्माको मुख्य भूमिका रहेको छ । टंक बुढाथोकीको संगीत रहेको रुपै मोहनी बोलको गी हिट छ भने ट्रेलरले दर्शकको ध्यान तानेको छ ।
