ब्ल्याक एण्ड ह्वाइट दुनियाँमा स्वस्तिमा (भिडियो)
अभिनेत्री स्वस्तिमा खड्काको ‘काजीको घोडा’ शिर्षकमा नयाँ म्युजिक भिडियो सार्वजनिक भएको छ । सार्वजनिक म्युजिक भिडियो ४० वर्ष अगाडीको घटना र परिवेशमा विकास सुवेदीले निर्देशन गरेका छन् ।
भुवन सिवाकोटी चौघरेको शब्द, रामचन्द्र थापाको संगीत र रामकृष्ण निरौलाको स्वर सजित गीतको भिडियोमा भीमफेदी गाइजको पनि अभिनय छ । भिडियोको सुरुवात राजा विरेन्द्रको बारेमा रेडियो नेपालबाट बज्दै गरेको समाचारबाट सुरु गरिएको छ । जसले ४० वर्ष पछाडीको कालखण्डमा दर्शकलाई पुर्याउछ ।
भीमफेदी गाइजले कोरियोग्राफी भरेको भिडियोमा अनिल के मानन्धरको छायाँकन र सुप्रिम पराजुलीको सम्पादन छ । भिडियोको अतिथि कलाकारको रुपमा जुना सुन्दास र सन्जु शाह देखा परेका छन् ।
