पल र दिपिका स्टारर ‘मायावी’को प्रदर्शन मिती पक्का
नायक पल शाह र नायिका दीपिका प्रसाईं स्टारर फिल्म ‘मायावी’ को पहिलो झलक सार्वजनिक गर्दै आगामी फागुन १४ गते (महाशिवरात्री) लाई प्रदर्शन मिती तय गरिएको छ ।
दिवाकर भट्टराई निर्देशित फिल्मको पोस्टर र प्रदर्शन मिती आइतबार औपचारिक रुपमा गरिएको घोषणा हो ।
सार्वजनिक पोस्टरमा पल र दीपिका प्रसाईको रोमान्टिक रुपमपमा प्रस्तुत भएका छन् । पलको भने भावुक मुद्रालाई पनि पोस्टरमा प्रस्तुत गरिएको छ । फिल्ममा पल र दीपिकासहित सुशील सिटौला, समिम खान, करिश्मा श्रेष्ठ र प्रशान्त ताम्राकारको अभिनय छ ।
‘मायावी’ लाई एफडी कम्पनी र करण श्रेष्ठले वितरण गर्न लागेका छन् । दिवाकर भट्टराई निर्देशित यो फिल्मलाई राज कटुवालसहित चन्द्र पन्त र ध्रुव न्यौपानेले निर्माण गरेका हुन् ।
