मरुभुमीमा निराजन र कविताको रोमान्स (भिडियो)
गायक भुसन राइले आफ्नो नयाँ गीत ‘मरुभुमी’ लिएर बजारमा आएका छन् । गायक राइको शब्द, संगीत तथा स्वरमा समावेश ‘मरुभुमी’ बोलको गीतमा यूवतीको आगमनपछिको अवस्थालाई देखाउन खोजिएको छ । गीतको भिडियो हेर्नुस् :
यो गीतको भिडियोलाई अर्जुन अधिकारीले निर्देशन गरेका हुन् । अर्जुनले गीतको भाव अनुसार नै लोकेशन खोजिएको बताए । गीतको भिडियोमा मोडल निराजन प्रधान र कविता नेपालीको प्रेम देख्न सकिन्छ । निराजन र कविताको जोडी खुबै सुहाएको छ । कवितालाई गीतमा बोल्ड एवं ब्यूटी देखाइएको छ ।
यो गीतको भिडियोमा उत्सव दाहालको छायांकन, विकास दाहालको सम्पादन छ । प्रेममा परेका वा नपरेका दुबै खालका यूवापुस्तालाई यो गीत मनपर्ने दाबी गायक भुसनको छ ।
