पलको १४ अञ्चल ससुराल, सारासँग रोमान्स (भिडियो)
पल शाह र सारा शिर्पाइली प्रस्तुत नयाँ भिडियो सार्वजनिक भएको छ । भिडियोमा १४ अञ्चलमा नै आफ्नो ससुराल भएको उल्लेख गरिएको छ । भिडियो हेर्नुस् :
’१४ अञ्चल ससुराल’ बोलको गीतमा खुमन अधिकारीको स्वरमा छ । गायक खुमनले आफ्ना साबिकका गीत भन्दा फरक तरिकाले यस गीतलाई प्रस्तुत गरेका छन् । गीतमा अराज केशवले र्याप हानेका छन् । गीतमा शब्द तथा संगीत माधव न्यौपानेको छ । चलनचल्तीको गीत भन्दा केहि लामो लाग्ने गीतमा पल र सारासँगै अराज केशवले पनि नृत्य गरेका छन् । निर्देशन बिक्रम चौहानले गरेका हुन् ।
भिडियोमा पछिल्लो समय चर्चामा रहेको अशिक र निरजको समलिंगी जोडी समेत रहेको छ । गीतमा भनिए अनुसार नै विदेशी युवतीलाई पनि देख्न सकिन्छ । भिडियोलाई अर्जुन तिवारीले छायांकन गरेका हुन् भने सुप्रिम पराजुली भिडियो सम्पादक हुन् ।
