आयुष्मान र प्रियंकाले म्युजिक भिडियोमै बिहे गरे
प्रेम जोडी प्रियंका कार्की र आयुष्मान देशराज जोशी अभिनित ‘अर्को जुनी’ बोलको गीत सार्वजनिक भएको छ । उक्त म्युजिक भिडियोमा प्रियंका आयुष्मानको दुलहीको रुपमा प्रस्तुत भएकी छन् । यो म्युजिक भिडियोको कन्सेप्ट प्रियंका र सरोज वलीको हो । गीतको भिडियो हेर्नुस् :
गीतमा मेलिना राई र सरोज वलीको स्वर रहेको छ । दिनेश थपलियाको शब्द रहेको गीतमा दीपक शर्माको संगीत रहेको छ । संगीत संयोजन उदयराज पौडेलले गरेका छन् । कविराज गहतराजको निर्देशन रहेको म्यूजिक भिडियोको छायांकन सञ्जय लामा, सम्पादन सन्देश शाह, मिक्सिङ श्याम स्वेत रसाइली र कलर संयोजन रेनिस फागोले गरेका हुन् ।
फिल्ममा प्रयोग हुने प्रविधिबाट पार्क भिलेज रिसोर्ट, काठमाडौं गेष्ट हाउसलगायतका स्थानका आकर्षक लोकेसनमा भिडियो छायांकन गरिएको छ ।
