मरिस्कासँग ‘माया लाउँदै’ दीलिप (भिडियो)
शंकरलाल श्रेष्ठको स्वरमा ‘माया त लाउने हो’ बोलको गीतको भिडियो सार्वजनिक गरिएको छ । आईतबार राजधानीमा प्रेसमिट गर्दै सार्वजजिक गरिएको हो । गीतको भिडियो हेर्नुस् :
सार्वजनिक गीतमा निर्देशक दयाराम दाहालको शब्द तथा संगीत छ । भिडियोमा अभिनेता दीलिप रायमाझी र नायिका मरिष्का पोखरेलले अभिनय गरेका छन् । मरिस्काले नृत्य गरेको ‘सालको पात टपरी’ गीत सुपरहिट भएको छ ।
गायक शंकरलालको यो दोस्रो गीत हो । २०५४ सालमा पहिलो गीत गाएका शंकरलाले धेरै वर्ष गीत संगीतबाट टाढा रहेपनि आउँदा दिनमा यो क्षेत्रलाई निरन्तरता दिने बताए । त्यस्तै अभिनेत्री मरिष्काले आफूले सानैदेखी अभिनेता दीलिपको चलचित्र हेर्ने, गीतमा नृत्य गर्ने गरेको स्मरण गर्दै संगै काम गर्न पाएकोमा खुसी व्यक्त गरिन् ।
निर्देशक तथा कोरियोग्राफर लिगेश भट्टराईले भिडियोलाई सक्दो राम्रो बनाउने प्रयास गरेको बताए । वरिष्ठ संगीतकार शम्भुजित बाँस्कोटाको प्रमुख आतिथ्यमा पुतलीसडकस्थित कफी एभिन्युमा माया त लाउने हो प्रिमियर गरिएको हो ।
