पुष्पनको संगीतमा अमितको ‘म त तिम्रै हुँ’ (भिडियो)
नेपाल आइडल सिजन २ को उत्कृष्ट ५ सम्म पुग्न सफल अमित बरालले आफ्नो पहिलो गीत बजारमा ल्याएका छन् । पुष्पन प्रधानको शब्द तथा संगीत रहेको गीत ‘म त तिम्रै हुँ’ मा अमितले मोडलिङ्ग समेत गरेका छन् । गीतको भिडियो हेर्नुस् :
गीतको भिडियोमा अमितलाई मोडल शाक्षी लम्सालले साथ दिएकी छन् । शिवराम श्रेष्ठले खिचेको भिडियोलाई मोहनराज अधिकारीले निर्देशन गरेका हुन् भने सम्पादन लोकेश बज्राचार्यको छ । अमित नेपाल आइडलका प्रिय प्रतिस्पर्धी मध्येका एक हुन् । नेपाल आइडलको मञ्चमा पुष्पन प्रधानको पन्क्षी गाएपछि अमितको चर्चा सुरु भएको थियो ।
पुष्पनसँगै आइडलमा प्रस्तुती दिएपछि त झन उनको चर्चा चुलियो । अमितले पुष्पनकै संगीत तथा शब्दमा आफ्नो पहिलो गीत दर्शक तथा श्रोता माझ ल्याएका हुन् । अमित बराल युटुव च्यानलबाट अपलोड गरिएको भिडियोमा सकारात्मक प्रतिक्रिया आइरहेको छ । पुष्पन र अमितसँग गरिएको रमाइलो कुराकानी हेर्नुस् :
