सरोज र आश्माको ‘सोचमा’ सार्वजनिक (भिडियो)
चर्चित डान्स ग्रुप कार्टुञ्ज क्रिउको नयाँ भिडियो सार्वजनिक भएको छ । यो गीतमा सरोज र आश्मा न त रोमान्टिक बनेका छन् । गायक संजिब पराजुलीको नयाँ गीत ‘सोचमा’को भिडियोमा सरोजलाई बसको सहचालक र आश्मालाई कलेजकी विद्यार्थीको रुपमा देखाइएको छ । गीतको भिडियो हेर्नुस् :
कार्टुञ्ज क्रुका सरोजले फरक किसिमको गीतमा अभिनय गर्न पाउँदा नौलो अनुभव भएको बताए । ‘हामी प्रायः डान्सिङ नम्बरको गीतमा मात्र काम गथ्र्यौ । तर यसपटक अलिक फरक सेन्टिमेन्टल किसिमको गीतमा देखिएका छौं । दर्शकका लागि यो नौलो स्वादको हुनेछ,’ सरोजले भने ।
गायक सन्जिबले गीतले एकोहोरो प्रेममा परेको एक युवकको कथालाई समेटेको बताए । ‘मैले अहिलेसम्म बजारमा ल्याएका गीत भन्दा यो गीत केही हिसाबले फरक छ’, उनले भने ।
गीतमा शब्द र संगीत कमल खत्रीको छ भने संगीत संयोजन रिकेश गुरुङले गरेका छन् । गीतमा कार्टुन क्रिउसँगै गायक संजिब पनि फिचर्ड छन् । अघि गायक संजिब र कार्टुन क्रिउको सहकार्यमा ‘नाइँ मलाई थाहा छैन’ बोलको गीतको भिडियो निकै चर्चित भएको थियो । भिडियोमा सरोजको निर्देशन तथा ज्ञानेन्द्र शर्मा हुमागाईंको छायांकन, लाक्पा डी लामाको सम्पादन छ ।
