कृशल र मिनराजको ‘बरिलै…’ यस्तो बन्यो (भिडियो)
नेपाल आइडल सिजन २ मा उत्कृष्ट दशमा पर्न सफल कृशल कंडेल र मिनराज पौडेलले नयाँ गीत ल्याएका छन् । ‘बरिलै…’ बोलको गीतमा कृशल र मिनराजको संयुक्त स्वर छ । म्युजिक भिडियोमा कृशल र मिनराजलाई करिश्मा ढकालले साथ दिएकी छन् । हेर्नुस् गीतको भिडियो :
नृपेश उप्रेतीको शब्द तथा संगीत रहेको गीतको भिडियोलाई प्रविण थापाले निर्देशन गरेका हुन् । भिडियोको सम्पादन शक्ति प्रज्वल घिमिरेको छ । नेपाल आइडल सिजन २ मा उत्कृष्ट ८ सम्म पर्न सफल कृशलको बरिलै दोश्रो गीत हो । यसअघि उनले ओढेर घुँगट बोलको गीत ल्याएका थिए । जुन गीतलाई दर्शक तथा श्रोताले रुचाए ।
यस्तै मिनराज नेपाल आइडल सिजन २ का पहिलो गेल्डेन माइक पाउने प्रतियोगी हुन् । तर उनको आइडलको यात्रा उत्कृष्ट दशसम्म सिमित रह्यो । आफ्नो पहिलो गीतलाई दर्शक तथा श्रोताले रुचाउने मिनराजको विश्वास छ । कृशल र मिनराजको नेपाल आइडलदेखि मित्रता मौलाएको हो । उनीहरुसँग गरिएको रमाइलो कुराकानी हेर्नुस् :
