हट हिरोइनसँग लुकीछिपी माया लाउँदै चोपेन्द्र (भिडियो)
आफ्नो भिडियो मेकिङमा स्टोरी टेलिङलाई प्राथमिकतामा राखेर नयाँ प्रयोग गर्न रुचाउने युवा निर्देशक नवीन चौहानले निर्देशन गरेको ‘लुकिछिपी किन मायामा’ म्युजिक भिडियो सार्वजनिक भएको छ । गीतको भिडियो हेर्नुस् :
गीतमा शब्द, संगीत , स्वर गणेश सेन्चुरीको रहेको छ भने कोबिद बज्रले म्युजिक एरेन्जमेन्ट गरेका हुन् । भिडियोमा बुलबुल फिल्मबाट चर्चामा आएका नायक चोपेन्द्र भुषाल उर्फ मुकुन भुषाल र नायिका सुरविना कार्की सँगै मनिष तामाङ र अनु काफ्लेको अभिनय छ । हट हिरोइनको छवि बनाएकी सुरविना यतिमेला मुम्बई करिअर बनाउन संघर्ष गर्दैछिन् ।
भिडियोलाई निशल पौडेलले छायांकन गरेका हुन् भने भीम विश्वकर्माले भिडियो सम्पादन गरेका छन् । यो म्युजिक भिडियोलाई आर्टमान्टु नेपालले निर्माण गरेको हो ।
गीतको भिडियोमा गाउँले जीवनलाई पुनः जीवित बनाउन खोजिएको छ । भिडियोमा लगभग ९० को दशकमा गाउँ घरमा गुज्रिने गरेका जीवन, माया प्रेम, खेलकुद, कृषी कर्मलाई प्रस्तुत गरिएको छ ।
