‘बोल माया’ समुहको ‘गलबन्दी’ले मन जित्यो (भिडियो)
‘बोल माया’को अत्याधिक सफलतापछि सोही समुहले दर्शक तथा श्रोताको मन जित्ने अर्को गीत ल्याएको छ । शनिबार साँझ सार्वजनिक गरिएको ‘गलबन्दी’ बोलको गीतको भिडियो युटुव ट्रेन्डिंगमा उक्लिने क्रममा छ भने भ्युज पनि तानिरहेको छ । भिडियो हेर्न तलको लिंकमा क्लिक गर्नुस् :
https://www.youtube.com/watch?v=QNInfBuBcOA
प्रकाश सपुतको शब्द तथा संगीत रहेको गीतमा प्रकाश र गायिका शान्ति श्री परियारको स्वर छ । भिडियोमा प्रकाश र मोडल अञ्जली अधिकारीको जीवन्त अभिनय छ । भिडियोलाई दर्शकले अत्याधिक रुचाइरहेका छन् । बोल माया २ भने चाँडै आउने गलबन्दीमा उल्लेख छ ।
प्रकाशले यसअघि प्रिति आलेसँग मिलेर दोहोरी ब्याटल २ ल्याएका थिए । जुन गीत युवा पुस्तामाझ हिट बन्यो । सृजनशिल प्रकाशको ‘दोहोरी ब्याटल’, ‘बोल माया’, ‘दोहोरी ब्याटल २’ सुपरहिट बने । ‘गलबन्दी’ पनि सुपरहिट हुने टिमको विश्वास छ ।
