प्रकाश सपुतको ‘गलबन्दीले’ बनायो नयाँ रेकर्ड

गायक तथा संगीतकार प्रकाश सपुतको पछिल्लो गीत ‘गलबन्दी’ ले नयाँ रेकर्ड बनाएको छ । प्रकाश र शान्तिश्री परियारको सुमधुर स्वर रहेको यो गीत युटुवमा छोटो समयमा सबैभन्दा धेरै भ्युज पाउने गीत बन्न सफल भएको छ । गीतको भिडियो हेर्न तलको लिंकमा क्लिक गर्नुस् :

https://www.youtube.com/watch?v=QNInfBuBcOA

गलबन्दीले युटुवमा अपलोड भएको ८ दिनमा ५० लाख भन्दा बढी भ्युज पाएको छ । गलबन्दी भन्दा अगाडी अकोश दर्जी र टंक बुढाथोकीको गीत चौंरीको चाम्रो छुर्पीले १३ दिनमा पचास लाख भन्दा बढी भ्युज पाएको थियो । यसर्थ प्रकाश सपुतको गलबन्दी नेपाली साँगीतिक क्षेत्रमा छोटो समयमा सर्वाधिक भ्युज पाउने गीत बन्न सफल भएको छ । बधाई सम्पूर्ण गलबन्दी परिवारलाई ।
प्रकाश सपुत आफ्नै संगीत तथा शब्द रहेको गीतको भिडियोको निर्देशन पनि सपुत आफैले गरेका हुन् । भिडियोमा मोडल अञ्जली अधिकारीले जिवन्त अभिनय गरेकी छन् ।

‘गलबन्दी’ यतिबेला युटुव ट्रेन्डिङ्गको शिर्ष स्थानमा बसिरहेको छ भने टिकटकमा हजारौंले टिकटक बनाइरहेका छन् । गलबन्दी लाई ६० लाख भन्दा बढीले हेरिसकेका छन् ।