‘गलबन्दी’ को रेकर्ड, १८ दिनमै एक करोड भ्युज
लोक गायक प्रकाश सपुतको ‘गलबन्दी’ बोलको गीतले सार्वजनिक भएको १८ दिनमै एक करोड भ्युज पाएको छ । यो गीत छोटो समयमै दर्शकको मनमा बस्न सफल भएको हो । गीतको भिडियो हेर्नुस् :
प्रकाश सपुतलाई गायनमा शान्ति श्री परियारले साथ दिएकी छिन् । गीतमा शब्द संगीत प्रकाशकै रहेको छ । उनले गीतमा अन्जली अधिकारीसँग अभिनय पनि गरेका छन् । संगीत संयोजन कृष्ण विक ‘भान्जा’को रहेको छ ।
करण चैसिरले छायांकन गरेको गीतलाई प्रविन भट्टले सम्पादन गरेका हुन् । प्रकाश सपुतले निर्देशन गरेको गीतमा देवन्द्र बब्लुले सह निर्देशन गरेका छन् । अहिलेपनि युटुव ट्रेन्डिङ्गमा रहेको गलबन्दी गीत टिकटक देखि सर्वसाधरण माझ लोकप्रिय भैरहेको छ ।
