‘झुठा कही का’मा कपिल थापाको स्वर (अडियो सुन्नुस्)
‘इन्डियन आइडल सिजन ४’का फस्ट रनरअप कपिल थापाको ‘जुग्नी’ बोलको पहिलो गीत सार्वजनिक भएको छ । यो गीत बलिउड फिल्म ‘झुठा कही का’को हो । अडियो सुन्नुस् :
यो गीतमा कपिललाई रोहित शर्मा र चेतन बकिवालाले गायनमा साथ दिएका छन् । सन्जिव चतुबेदी र आलोक रन्जन झाको शब्द रहेको गीतमा काशि रिचर्डले संगीत भरेका छन् । यो गीतको युटुबमा अडियो मात्र सार्वजनिक भएको छ । समिप काङ्गले निर्देशन गरेको फिल्ममा ऋषि कपूर, जिम्मी सेर्गिल, सन्नी सिंह, ओकार कपूर, निमिशा मेहता लगायत कलाकारको अभिनय रहेको छ ।
