ट्रेलर रिलिज पुर्व रेखा र आर्यन यति रोमान्टिक
कात्तिक २ गतेदेखि प्रदर्शनमा आउने रेखा थापाको ‘रुद्रप्रिया’ को प्रोमो सोमबार साँझ साढे चार बजे रिलिज हुँदैछ । ट्रेलर रिलिज पुर्व रेखा भने नायक आर्यन सिग्देलसँग रोमान्टिक देखिएकी छिन् । गुलाफको पत्तासँग रेखा र आर्यन रोमान्टिक मुड लोभलाग्दो छ । आखिर किन रेखा र आर्यन यति धेरै रोमान्टिक छन् त ?
रेखा र आर्यनको यो रोमान्टिक दृश्य फिल्म ‘रुद्रप्रिया’ कै लागि हो । अर्जुन पोखरेलको संगीत रहेको गीतको हात छायाँकन भैरहेको छ । गीतको भिडियो निकै नै राम्रो बनेको रेखाको भनाई छ । भिडियोलाई प्रविण सिंहले निर्देशन गरिरहेका छन् । रुद्रप्रिया बाटै प्रविण कोरियोग्राफरमा डेव्यु भएका हुन् । उनले कोरियोग्राफी गरेको फिल्म चिरविरी चाँचरीलाई रुचाइएको छ ।
‘रुद्रप्रिया’ लाई सुदिप बबी भूपाल सिंह निर्देशन गरेका हुन् । फिल्ममा रेखा र आर्यनसँगै राजन इशान, टिका पहारी लगायत कलाकारहरुको अभिनय रहेको छ । सरस्वती थापा र रमेश एमके पौडेल निर्माता रहेको फिल्मलाई संजय लामाले खिचेका हुन् । रेखा र आर्यन झण्डै ८ वर्षपछि पर्दामा एकसाथ फर्किएका कारण पनि रुद्रप्रियाको प्रतिक्षा छ ।
