आधी उमेर गएपछि नाच्न थालिन् मञ्जु (भिडियो)
तीज नजिकिएसँगै दर्जनौँ तीजका गीतहरू सार्वजनिक भएका छन् । यस्तै सन्दर्भमा गायिका तथा प्रस्तोता मञ्जु पौडेलले मौलिक तीज बजारमा ल्याएकी छिन् । गीतको भिडियो हेर्नुस् :
हरेक तीजमा मौलिक तीजको भाका लिएर आउने पौडेलले यसपालिको तीजमा ‘काम भन्दा भन्दै आधि उमेर’ ढल्केको पीडालाई गीत मार्फत पोखेकी छन्।
‘काम भन्दै गयो मेरो आधि उमेर घन्काइदेऊ मादलु नाच्छु घुमेर’ काम र पैसाको लागि सधैँ व्यस्त रहने आम नेपालीको जीवन शैलीप्रति लक्षित गर्दै गीत तयार गरिएको छ । गीतको भिडियोमा स्वयं मञ्जु पौडेल र कार्यक्रम उकाली ओरालीकी प्रस्तोता अनुषा पौडेल फिचर्ड छिन् ।
दिग्गज धौरालीले शब्द र अर्जुन पोखरेलले सङ्गीत गरेको यो गीतलाई बि एम एस फिल्म्सले बजारमा ल्याएको छ ।
