पुष्पन प्रधानको ‘पुर्वाञ्चल साङ्गितिक टुर’ सुरु
गायक पुष्पन प्रधानको पुर्वाञ्चल साङ्गितिक टुर भदौ १२ गते शुक्रबारबाट सुरु हुनेछ। शुक्रबार दमकबाट सुरु हुने साङ्गितिक टुर भदौ १९ गतेसम्म पुर्वाञ्चलका विभिन्न ठाउँमा आयोजना हुनेछ । दमकसंगै १३ गते पथरी, १४ गते ईटहरी, १५ गते विर्तामोड, १८ गते ईलाम र १९ गते काकडभिट्टामा आयोजना हुने उक्त साङ्गितिक टुरमा पुष्पनलाई विकल्प व्याण्डले साथ दिनेछ ।
माथी उल्लेखित स्थानहरु बाहेक अन्य स्थानमा पनि कार्यक्रम हुने पुष्पनले बताएका छन् । देश तथा विदेशमा विभिन्न साङ्गितिक टुर गरिसकेका पुष्पनको नेपालमा पुर्वाञ्चल टुर हुन लागेको हो । केही समय अगाडी चर्चित साङ्गितिक रियालिटी शो नेपाल आइडलमा उनले गाएको गीत ‘पंछी’ निकै चर्चित बनेको थियो ।
डुवर्स निवासी पुष्पन पछिल्लो समय नेपाली फिल्मको प्ले ब्याक सिङ्गिङमा समेत व्यस्त बन्ने गरेका छन् । दर्जनौँ हिट गीत नेपाली संगीत क्षेत्रलाई दिइसकेका गायक पुष्पनको आगामी साङ्गितिक टुर अमेरिका, यूएई लगायतका देशमा हुनेछ ।
