अनुपलाई भेट्न शहर आइन् आँचल (भिडियो)
अनुप बिक्रम शाही र आँचल शर्माले मोडलिङ गरेको नयाँ गीतको भिडियो सार्वजनिक भएको छ । सार्वजनिक ‘तिम्रो शहर’ बोलको गीतमा साहिमा श्रेष्ठको स्वर रहेको छ भने दिपक शर्माको संगीत तथा अमर बान्तुको शब्द रचना रहेको छ । गीतको भिडियो हेर्नुस् :
फिल्म निर्देशक बसन्त निरौला निर्देशित यस गीतको भिडियोमा अनुपलाई भेट्न उनको शहर आएकी छन् । आँचलले धेरै कोशिस गरेपछि मात्र अनुपले उनको प्रेम स्विकारेका छन् । गीतमा आँचलको नृत्य आकर्षक छ । यसअघि पनि आँचल र अनुपले म्युजिक भिडियोमा सँगै काम गरेका थिए ।
भिडियोमा पबित्रा आचार्यको कोरियोग्राफी रहेको छ । दिव्य सुवेदी सिनेमाटोग्राफर रहेको यस भिडियोको सम्पादन सुप्रिम पराजुलीले गरेका हुन् । आकर्षक स्थलहरुमा छायांकन गरिएको यस गीतले इन्टरनेटमा रिलीज भएसँगै तारिफ पाईरहेको छ ।
