आँचल शर्माको आफैसँग प्रतिस्पर्धा !
नायिका आँचल शर्मा अहिले युट्युब ट्रेण्डिङमा छाएकी छिन् । आँचलले नृत्य गरेका दुई वटा म्युजिक भिडियो एक आपसमा लडाई गर्दै टेण्डिङको दोस्रो र तेस्रो नम्बरमा रहेका छन् ।
गत साता रिलिज भएको ‘एक कान दुई कान मैदान’ बोलको गीत यतिबेला टेण्डिङको तेस्रो नम्बरमा छ भने ‘माया बिरानी’ बोलको गीत दोस्रो नम्बरमा रहेको छ । केहि दिन अगाडी एक कान दुई कान मैदान गीत अगाडी रहेको थियो । यो गीतलाई पछि पार्दै माया बिरानी बोलको गीत अगाडी परेको छ । एक दिनको अन्तरालमा सार्वजनिक गरिएको गीत आँचलसँगै प्रतिस्पर्धा गरिरहेका छन् ।
यो समाचार तयार पार्दा आँचलको माया बिरानी गीतले १२ लाख ६ हजार भन्दा बढि भ्युज पाएको छ । त्यसैगरी एक कान दुई कान मैदानले १७ लाख ७४ हजार भन्दा बढि भ्युज पाएको छ । दुई म्युजिक भिडियोले पाएको सफलताले आँचल पक्कै पनि खुशी छिन् । उनले गीतले टे्रण्डिङको भर्याङ चड्ने बित्तिकै ईन्स्टाग्राम स्टोरीमा सेयर गरिरहेकी छिन् ।
म्युजिक भिडियोमा छाइरहेकी आँचलले नयाँ फिल्म भने साइँन गरेकी छैनन् । ‘नाई न भन्नु ल ४’ बाट रजतपटमा डेब्यु गरेकी आँचलले ‘जोनी जेन्टलम्यान, शत्रु गते, ब्ल्याक, दालभात तरकारी’मा अभिनय गरिन् । ट्रेन्डिङ गर्ल आँचलले अब कुन फिल्म खेल्लिन् त ?
