डेविड र भावनाको गीतमा दुर्गेश र अस्मिताको छमछमी (भिडियो)
गायक डेविड शंकर र गायिका भावना आचार्यको स्वरमा ‘बोल्दैन फोटो’ बोलको गीत तयार भएको छ । यो गीतको भिडियो समेत सार्वजनिक भएको छ । भिडियोमा गायक तथा मोडल दुर्गेश थापा र अस्मिता पुरीसँगै डेविड र भावना पनि फिचरिङ छन् । भिडियो हेर्नुस् :
गीतमा दिपक शर्माको शब्द तथा संगीत छ । गीतको भिडियोलाई शिव विकले निर्देशन तथा नृत्य निर्देशन गरेका छन् । नवराज उप्रेतीको छायाँकन रहेको भिडियोलाई विकास ज्ञावलीले सम्पादन गरेका हुन् ।
भावनाले यसअघि बग्ने खोला र मुलको पानी बोलको गीत बजारमा ल्याएकी थिइन् । यी दुई गीतलाई दर्शक तथा श्रोताले रुचाएका थिए । आफ्नो नयाँ गीत बोल्दैन फोटोलाई पनि दर्शक तथा श्रोताले रुचाउने उनले विश्वास राखिन् ।
