प्रताप दासको स्वरमा कविता र भिजुको ‘झ्याम झ्याम’ भिडियो)
गायक प्रताप दासले नयाँ गीत ल्याएका छन् । नेपाल आइडलका तेश्रो विजेता दासले ‘झ्याम झ्याम’ बोलको डान्सिङ नम्वर ल्याएका हुन् । गीतको भिडियोमा बिगु उगी विजेता कविता नेपाली र मोडल भिजु पार्कीले डान्स गरेका छन् । भिडियो हेर्नुस् :
‘झ्याम झ्याम’ गीतको भिडियो कोरियोग्राफर प्रविण सिंहले उत्कृष्ट बनाउने कोशिस गरेका छन् । कविता र विजुको नृत्य लोभ्याउने खालको छ । ‘परान’ जस्तो सुपरहिट गीत दिएका संगीतकार आशिष अविरलले झ्याम झ्याममा नाँचु नाँचु लाग्ने संगीत सृजना गरेका छन् । एकनारायण भण्डराीको शब्द रमाइला छन् ।
भिडियोलाई ज्ञानेन्द्र शर्माले खिचेका हुन् भने सम्पादन प्रितम पराजुलीले गरेका हुन् । थुप्रै हिट मेलोडी दिएका गायक प्रतापले आफ्नो पहिलो डान्सिङ नम्वले दर्शक नचाउने विश्वास भएको बताए ।
