भिटेन पक्राउ परेपछि हट्यो ‘हामी यस्तै त हो नि ब्रो’ गीत
चर्चित र्यापर समिर घिसिङ ‘भिटेन’लाई प्रहरीले नियन्त्रण लिएपछि ‘हामी यस्तै त हो नि ब्रो’ बोलको गीत युट्युबबाट हटेको छ । उनलाई महानगरीय प्रहरी अपराध महाशाखाको टोलीले बिहीबार जाउलाखेलबाट पक्राउ गरेको थियो ।
करिब चार महिनाअघि सार्वजनिक भएको गीतमा प्रयोग गरिएको अश्लील शब्द र फेसबुकमा राखिएको प्रहरीको बर्दीमा असईको फुली समेत लगाएर गाँजा मोलिरहेको दृश्यमा आपत्तिजन रहेको प्रहरी महाशाखाको भनाई छ ।
पक्राउ परे लगतै उनको यो गीतलाई युट्युबबाट हटाउने लगाइएको थियो । उनलाई अभद्र व्यवहारको मुद्दा चलाइन महानगरीय प्रहरी वृत्त ललितपुर पठाइएको छ ।
