ट्रेन्डिङ नम्बर १ मा र्यापर भिटेनको ‘था छैन’ (भिडियो)
र्यापर भिटेन (समिर घिसिङ)को ‘था छैन’ बोलको गीत युट्युब ट्रेन्डिङको पहिलो नम्बरमा छ । यो गीतले सार्वजनिक भएको ४ दिनमै युट्युब ट्रेन्डिङको शिर्ष स्थान ओगटेको छ । गीत हेर्नुस् :
यो समाचार तयार पार्दा गीतले ९ लाख ८९ हजार बढी भ्यूज पाएको छ । यो गीतले ५ हजार ५ सय भन्दा बढि प्रतिक्रिया पाएको छ । जसमा सकारात्मक र प्रोत्साहन गर्ने प्रतिक्रिया रहेको छ । केहि समय अगाडी भिटेनले गीतमा अश्लिल शब्द र प्रहरीको बर्दीलाई गलत तरिकाले प्रयोग गरेको आरोपमा पक्राउ परेका थिए ।
हिरासतबाट बाहिरिएपछि भिटेनले ‘सरौतो’ फिल्मको लागि गीत गाएका थिए । जुन गीतले पनि निकै चर्चा पाएको थियो । भिटेनको ‘था छैन’ गीतमा शिल्पा मास्के, निशान्त गौचन र आकाश वाइबा फिचर्ड छन् ।
