धर्मेन्द्र सेवानले ल्याए ‘गुलाबको फूल’ (भिडियो)
गायक धर्मेन्द्र सेवनको नयाँ गीत ‘गुलाबको फूल’ सार्वजनिक भएको छ । बिहिबार आफ्नै युट्युब च्यानलबाट उनले गीतको भिडियो सार्वजनिक गरेका हुन् । सार्वजनिक उक्त गीतमा शब्द तथा संगीत पनि धर्मेन्द्र कै रहेको छ । गीतको भिडियो हेर्नुस् :
आफूले प्रेमिल भावमा यस गीतलाई तयार गरेको धर्मेन्द्रले बताउँछन् । उनले भने, ‘यहाँ पुरुषले आफूलाई महिलाको श्रृगारसँग तुलना गरेर आफ्नो प्रेमलाई प्रष्फुटित गरेको छ ।’ आफूले एक्लै गितार बजाएर तयार गरेको गीतलाई दर्शक–श्रोताले रुचाउने भएका कारण सोही जनरमा यस गीतलाई तयार पारेको धर्मेन्द्रले बताए ।
गीतको भिडियोमा पनि धर्मेन्द्र आफैँ प्रस्तुत भएका छन् । धर्मेन्द्रसँगै सोफिया घलेलाई पनि भिडियोमा देख्न सकिन्छ । भिडियोको निर्देशक तथा छायांकन सुरज दार्लामी मगरले गरेका छन् ।
