प्रितमको स्वरमा ‘तिमीले बाटो फेरयौ अरे…२’ (भिडियो)
भारतको प्रसिद्ध रियालिटी सो ‘सारेगम प लिलिट चाम्स’मा आफ्नो स्वरको जादु छरेका बाल गायक प्रितम आचार्यको स्वरमा ‘तिमीले बाटो फेरयौ अरे…२’ गीतको नयाँ भर्सन‘तिमीले बाटो फेरयौ अरे…२’सार्वजनिक गरिएको छ । नयाँ भर्सन सार्वजनिक भएको हो । गीतको भिडियो हेर्नुस् :
मेलिना राईको स्वरमा रहेको ‘तिमीले बाटो फेरयौ अरे…२’ले युट्युवमा करिब एक करोड भ्युअर्स पुग्नै लाग्दा गीतकार दर्पण राईले प्रितमको स्वरमा नयाँ भर्सनको ‘तिमीले बाटो फेरयौ अरे…२’ गीत सार्वजनिक गरेका हुन् । विक्रम राईको सङ्गीत, रिकेश गुरुको सङ्गीत संयोजन रहेको गीतको भिडियोमा राम केसीको छायाँकन र टेकेन्द्र शाहको सम्पादन रहेको छ ।
गीतकार दर्पण राईका ‘यो मुटु दुःखछ किन’, ‘तिमीलाई मन पराउनु मेरो गल्ती होइन’, ‘मायामा जाल भो’, ‘नजिकिनु सजिलो थियो’ जस्ता एक दर्जन भन्दा बढी लोकप्रिय छन् । प्रितमको स्वरमा रहेको नयाँ भर्सनको गीतले आफ्ना अन्य गीतले जस्तै दर्शक तथा श्रोताको साथ पाउनेमा आफू आशावादी रहेको दर्पणले बताए ।
‘सारेगम प लिलिट चाम्स’ पछि प्रितमको यो पहिलो गीत हो । प्रितमले यसअघि दर्पणको गीत ‘यो मुटु दुःखछ किन’मा पनि स्वर दिएका थिए ।
